கட்டுரை, கடிதம், பயன்பாட்டு எழுத்து
மூன்று வடிவங்கள், மூன்று அமைப்புகள்
இப்பகுதியில் கட்டுரை, கடிதம், பயன்பாட்டு எழுத்து (விண்ணப்பம், அறிவிப்பு, விளம்பரம், நிகழ்ச்சி அறிக்கை) ஆகியவற்றின் வடிவம் சோதிக்கப்படுகிறது. வடிவம் தவறினால் கருத்து சிறந்தாலும் மதிப்பெண் குறையும்.
கட்டுரை அமைப்பு
- முன்னுரை: தலைப்பை அறிமுகம் செய்து, கட்டுரையின் போக்கைக் காட்டும் மூன்று வாக்கியங்கள்.
- கருத்துரை: ஒரு பத்திற்கு ஒரு கருத்து; எடுத்துக்காட்டு, பழமொழி, புள்ளிவிவரம் ஆகியவற்றால் வலுப்படுத்து.
- முடிவுரை: கருத்துகளைத் தொகுத்து, எதிர்கால நோக்கில் முடி.
- எழுதத் தொடங்கும் முன் தலைப்பிற்கான ஐந்து புள்ளிகளைத் தனித்தாளில் எழுதி வைத்துக்கொள்.
கடித அமைப்பு
- அனுப்புநர் முகவரி, 2. தேதி, 3. பெறுநர் முகவரி, 4. வாழ்த்து (அன்புள்ள...), 5. பொருள், 6. உள்ளடக்கம், 7. நன்றி அல்லது வாழ்த்து, 8. கையொப்பம். விண்ணப்பத்திலும் அதே வரிசை; முடிவில் இப்படிக்கு, கையொப்பம்.
எடுத்துக்காட்டு
தலைப்பு: மரம் வளர்ப்போம். முன்னுரை: மழை குறைந்துவரும் இன்றைய சூழலில் மரம் வளர்ப்பது கடமை. கருத்துரை: நிழல், காற்று, மண் அரிப்புத் தடுப்பு, பறவைகளின் வாழிடம். முடிவுரை: ஒவ்வொரு வீட்டிலும் ஒரு மரம் - நாளைய தலைமுறைக்குக் காப்பீடு. இதே புள்ளிகளைக் கடிதத்தில் வரிகளாக மாற்றினால் போதும்.
மதிப்பெண் பறிபோகும் இடங்கள்
- கடிதத்தில் தேதியையோ பொருளையோ விட்டுவிடுவது.
- கட்டுரையில் தலைப்பை மீண்டும் மீண்டும் எழுதி நீளத்தை நிரப்புவது.
- பயன்பாட்டு எழுத்தில் முகவரி, நோக்கம், கையொப்பம் ஆகியவற்றை விட்டுவிடுவது.